Poetry

dil ye chahta hai ke apni tehreer mai...
har satar mai tera hi naam likhoon...
har ik fiqra,har ik misraa..
terey hi naam intesab likhoon...
magar ye mumkin kahan hai jana...
bohat se auraq qitab-e-zindagi se juda ho ke...
phaat chuke hain...
waqt ne rastey mai kantey daley...
jin ko chun'ne ki la'hasil koshishoon mai...
sab ke hathoon mai zakham aye...
sabak ka unwaan badal gaya...
ab terey naam kia intesaab likhoon...
kai rutoon ke khuwaab likhoon...
jo hans ke jheeley azaab likhoon...!!