Poetry

suna hai loog usy aankh bhar ke dekhty hain
soo uske sheher mai kuch din theher ke dekhty hain
suna hai raabt hai usko kharab haloon se
soo apny ap ko barbad kar ke dekhty hain...
suna hai dard ki gahak hai chashm-e-naaz uski
soo hum bhi uski galli se guzar ke dekhty hain
suna hai usko bhi hai sheer-o-shairi se shagaf
soo hum bhi mojzeey apny hunar ke dekhty hain...
suna hai boley to batoon se phool jharty hain
ye baat hai to chalo baat kar ke dekhty hain
suna hai raat usko chaand takta rehta hai
sitareey baam-e-falak se utar ke dekhty hain...
suna hai din ko usy titliyaan satati hain
suna hai raat ko jugnoo theher ke dekhty hain
suna hai hashaar hain uski ghazaal se aankhen
suna hai us ko hiraan daasht bhaar ke dekhty hain...
suna hai raat se barh ke hain ka'kali uski
suna hai shaam ko saaye guzaar ke dekhty hain
suna hai us ki seyaah chashmageen Qiyamat hain
soo usko surma faroosh aa'h bhaar ke dekhty hain...
suna hai uske laboon se gulaab jaltey hain
soo hum bahar pe ilzaam dhaar ke dekhty hain
suna hai aaiyena tamsaal hai jabeen us ki
jo sada dil hain usey ban sanwar ke dekhty hain...
suna hai jab se maiyeel hain uski gardan main
mizaaj or hi laal-o-geher ke dekhty hain
suna hai chaashm-e-tasawor se dasht-e-imkaan main
palang zaveiye us ki kamar ke dekhty hain...
suna hai uske badaan ki tarash aisi hai
ke phool apni Qabbaein katar ke dekhty hai
woh saroon Qaad hai magar be'Gul-e-muraad nahi
ke is shajar pe shagoofey samar ke dekhty hain...
bas ik nigah se lutta hai Qafila dil ka
soo rehrwan-e-tamana bhi daar ke dekhty hain
suna hai uske shabastaan se mutasil hai behshaat
makeen udhaar ke bhi jalwey idhar ke dekhty hain...
rukey to gardisheen uska tawaaf karti hain
chaley to us ko zamany theher ke dekhtey hain
kisey naseeb ke be'perhan usey dekhy
kabhi kabhi dar-o-dewaar ghaar ke dekhty hain...
kahaniyan hi sahi sab mubalghy hi sahi
agar woh khuwaab hai taa'beer kar ke dekhty hain
ab uske sheher main thehrein keh kooch kar jain
"FARAZ" aao sitarey safar ke dekhty hain...!