Poetry

Ye jo zindagi ki kitab hai,
Ye kitab bhi kia kitab hai,
Kaheen ik haseen sa khawab hai,
Kaheen jaan lewa azab hai,
Kaheen aansuon ki hai daastan,
Kaheen muskrahaton ka bayan hai,
Kai chehre is mein chupe huay,
Ik ajeeb sa ye naqab hai,
Kahin kho dya, kaheen paa lia,
Kaheen ro lia, kaheen gaa liya,
Kaheen cheen leti hai har khushi,
Kaheen meharbaan be-hisaab hai,
Kaheen dhoop hai,
Kaheen aur hi koi roop hai,
Kaheen barkaton ki hain barishein,
Kaheen tishnagi be-hisaab hai,
Ye jo zindagi ki kitaab hai,
Ye kitaab bhi kiya kitaab hai...